ეს მაურინიოს პირველი ინტერვიუა მას შემდეგ, რაც "მადრიდის რეალის" წინასასეზონო სამზადისს შეუდგა. მაურინიო–ადამიანი, რომელსაც საშინლად უყვარს საკუთარი პროფესია. მის სამყაროში ფეხბურთის გარდა სხვა არაფერია. ამით კი მისი ოჯახი ზარალდება. ის მოურიდებლად დაუპირისპირდა საკუთარ ცხოვრებაში ერთ–ერთ ყველაზე ძლიერ გამოწვევას.

ის, რაც ფლორენტინო პერესმა განაცხადა რაულთან გამომშვიდობებისას,სრულებით ესადაგება ჟოზე მაურინიოსაც: ყველა მისი დამსახურება მხოლოდ ერთ ადამიანს არ ეკუთვნის, არამედ მთლიანად კლუბს. ფეხბურთის ისტორიაში არაა მეორე ისეთი მწვრთნელი, რომელმაც ასე მოკლე ხანში მოახერხა ამდენი ტიტულის მოგება და ეს სხვადასხვა კლუბებში. მას ყველაფერი დაწყობილი აქვს , გარდა ოჯახისა , რომელსაც ძალზედ ნაკლებ დროს უთმობს. მასთან საუბარი და მისი რჩევების მოსმენა ერთი დიდი სიამოვნებაა.

შეხვედრისას , მან როგორც წესი , ცოტა დააგვიანა. ეს იმიტომ, რომ მას კლუბის მუშაობის რამოდენიმე დეტალი უნდა დაეზუსტებინა. თუ ვინმე თვლის, რომ საუბარი რკინის სერჟანტს ეხება, ძალიან ცდება. მოუ–უბრალო მეოჯახე კაცია. ლოს ანჯელესში ღამდება და მაურინიოც ჟურნალისტებთან ინტერვიუს ჩასაწერად მიემართება. მას ამისთვის შესანიშნავი ადგილი აქვს არჩეული–UCLA–ს საწვრთნელ ბაზასთან ახლოს. როცა ლაპარაკობს, პირდაპირ თვალებში გიყურებს და ყველაფერს ბოლომდე გიხსნის.