"ლიონის" მთავარმა მწვრთნელმა კლაუდე პუელიმ კომენტარი გააკეთა დღევანდელ მატჩზე.

კლაუდე პუელი
"ჩვენი მიზანი არის მეტოქის კარის აღება, ისევე როგორც გასულ სეზონში. მოგვიწევს დაცვაში კარგად თამაში და ასევე მეტოქის დესტაბილიზაცია. შეგვიძლია გოლების გატანა. მადრიდის “რეალი“ ფავორიტი არის "ჩემპიონთა ლიგის" განმეორებითი დაპირისპირების წინ, რადგან გასვლაზე აქვთ გატანილი გოლი. ეს ბევრს აძლევს იმის საშუალებას, რომ ისინი ფავორიტებად დაასახელონ, მაგრამ ჩვენ მხოლოდ თამაშზე უნდა ვიყოთ კონცენტრირებულნი“.

"კარგად ვიცით, რომ კრიშტიანუ რონალდუ ხვალინდელ დაპირისპირებაში მიიღებს მონაწილეობას, მაგრამ მადრიდის "რეალს" მას გარდა სხვა კარგი ფეხბურთელებიც ჰყავს. ჩვენთვის კიდევ უკეთესი იქნება თუ პორტუგალიელი მოთამაშე ხვალ მოედანზე იქნება, რადგან ეს მოითხოვს ჩვენგან კიდევ უფრო მეტ სიმამაცეს და თავსაც უკეთ დავიცავთ".

"ვაფასებთ ქარიმ ბენზემასაც, რომელიც ახლა კარგ ფორმაში იმყოფება და მან გაამართლა ის იმედები, რასაც მადრიდის “რეალში“ მოსვლის დროს მასზე ამყარებდნენ. მან საკუთარი პოტენციალი დაანახა ყველას და სრულიად შეუძლია გუნდის უმთავრეს ფიგურად გადაიქცეს. მას გოლები გააქვს - ეს არის თავდამსხმელისათვის ყველაზე მნიშვნელოვანი, მაგრამ იმედი გვაქვს, ხვალ იგივეს ვერ გააკეთებს"

ასევე კომენტარი გააკეთა გუნდის მოთამაშემ სეზარ დელგადომ:
სეზარ დელგადო

"მე პირადად, დარწმუნებული ვარ რომ მადრიდის "რეალი" ძალიან ძლიერი კლუბი კრიშტიანუ რონალდუსთან ერთადაც და მის გარეშეც. პორტუგალიელი ფეხბურთელის გარეშეც "ბლანკოსი" იგივე გუნდი რჩება".
"ეჭვი არ არის იმაში, რომ ლისანდრო გუნდში ერთ-ერთი უმთავრესი ფიგურაა. ის ყოველთვის კარგად გამოიყურება. ის ნამდვილი მებრძოლია და მისი ეს ხასიათი თანაგუნდელებსაც გადაედებათ ხოლმე. მისი თამაში უმნიშვნელოვანესია".

წყარო:Realmadrid.com