”სანტიაგო ბერნაბეუ” მზად არის უმასპინძლოს, სამეფო კლუბისთვის უმნიშვნელოვანეს მატჩს, სადაც ”თეთრები” ფრანგულ ”ლიონს” მიიღებენ. როგორც მოგეხსენებათ, ”რეალს” ”ოლიმპიკთან” თამაში საერთოდ არ გამოსდის, დღეს კი მადრიდელები ამ უსიამოვნო ტრადიციის ბოლოს მოღებას შეეცდება. აღსანიშნავია, რომ ”ბერნაბეუ” მე-12 ფეხბურთელის როლს შეითვისებს, ვინაიდან ერთი ცარიელი ადგილიც არ იქნება.

ურთიერთობა, მადრიდის ”რეალის” ფანებსა და წევრებს შორის ძალიან კარგია. ამაზე მოწმობს, ის 21 თამაში, რომელიც გუნდმა ზედიზედ მოიგო. ნიშანდობლივია, რომ სამეფო კლუბს ამ სეზონის ჩემპიონთა ლიგის გათამაშებაზე, საკუთარ მოედანზე გოლი არ მიუღია. ეს შედეგი კი დღევანდელ მატჩში შესაძლოა გადამწყვეტიც აღმოჩნდეს, რადგან, თუ ”ლიონმა” გოლი ვერ გაიტანა, ”რეალი” ავტომატურად გავა შემდეგ ეტაპზე.

სამეფო კლუბს დაუბრუნდა კრიშტიანო რონალდო, რომელმაც ტრავმის გამო პრიმერას ორი თამაში გამოტოვა. ჟოზე მოურინიომ განაცხადში ხუან კარლოსიც შეიყვანა. პორტუგალიელი სპეციალისტისთვის ეს შეხვედრა იქნება 50-ე მადრდელთა რიგებში.

არ შეიძლება არ ავღნიშნოთ, ”ლიონის” სათამაშო ფორმა. ფრანგული კლუბი უკვე 7 თამაშია არ აგებს. კლოდ პიუელის შეგირდებმა 6 ჩემპიონატის მატჩი მოიგეს და ”რეალის” წინააღმდეგ ”ჟერლანდზე” 1-1 ითამაშეს. გუნდს დაუბრუნდა ლისანდრო, რომელმაც 1/8 ფინალის პირველი მატჩი ტრავმის გამო გამოტოვა. ამ შეხვედრაში მონაწილეობას მიშელ ბასტოსი ვერ მიიღებს დისკვალიფიკაციის გამო.

ეს თამაში განსაკუთრებული იქნება კარიმ ბენზემასთვის, რომელიც ძალიან ახლოს არის იდეალურ ფორმასთან. ”ლიონის” ყოფილი მოთამაშე ულამაზეს თამაშსა და გოლებს გვპირდება.

მადრიდის ”რეალი” ცნობილია მისი დაუვიწყარი საღამოებით საკუთარ არენაზე. ჩემპიონთა ლიგაზე, ამ გუნდს უნიკალური საშინაო მატჩები ჩაუტარებია და იმედია ეს ყველაფერი ამ თამაშზეც იმოქმედებს.


წყარო:realmadrid.com