დი მარია Marca–ს ჟურნალისტს ფეხზე გაკეთებულ ტატუს უჩვენებს. ტატუზე იესო ქრისტეა გამოსახული. დი მარია ამბობს, რომ ძალზედ რელიგიურია, რაც დაეხმარა მას ფეხბურთელად ჩამოყალიბებაში და "მადრიდის რეალში" გადმოსვლაში:

"მე ძალზედ მორწმუნე ოჯახი მყავს და ისინი მთხოვენ , რომ ასეთივე დავრჩე. მეც ძალიან რელიგიური ვარ და ეს დიდად დამეხმარა რიგ საკითხებში. დედაჩემი ყველაზე დიდი მორწმუნეა ოჯახში და ის ყოველთვის ლოცულობს ჩემზე."

არგენტინელი ძალიანაა დამოკიდებული მის ოჯახზე:

"ეხლა ისინი ესპანეთში გადმოდიან და როგორც კი საშუალება ექნებათ, აუცილებლად დაესწრებიან ჩემს თამაშებს."

ანხელ დი მარია (დაიბადა როსარიოში 1988 წელს) რჩება ისეთივე მორიდებულად , როგორიც ადრე იყო. ის ყოველდღე მადლობას უხდის უფალსა და ოჯახის წევრებს. დი მარია ასევე დარწმუნებულია საკუთარ ძალებში და ჯერა, რომ შეძლებს მოუს ძირითადში ადგილის დამკვიდრებას.