როგორც იცით, პრესაში ბელგიის ეროვნულ ნაკრებთან დაკავშირებით არასასიამოვნო ცნობები ვრცელდება, რის გამოც, ედენ აზარმი სპეციალურ პრესკონფერენციაზე უპასუხა ჟურნალისტების კითხვებს.

„ცხადია, არასწორი ინფორმაცია გავრცელდა მასმედიის საშუალებებით. გუშინ მართლაც გვქონდა შეხვედრა, რომელშიც ფეხბურთელები ვმონაწილეობიდთ და ბევრ საკითხზე ვისაუბრეთ. ჩვენი მიზანია მომდევნო თამაშის მოგება და შემდეგ ეტაპზე ასპარეზობა.“

„ვიცით, თუ როგორ უნდა ვითამაშოთ გამარჯვებისთვის. მწვრთნელის ჩათვლით ყველანი ერთიანნი ვართ და მოგებაზე ვფიქრობთ. რა თქმა უნდა, ჩვენს კომუნიკაციას ესწრებოდა რობერტო მარტინესიც.“

„არ ვფიქრობ, რომ მომდევნო შეხვედრა ჩემთვის ბოლო იქნება „წითლების“ რიგებში. არავინ იცის რა მოხდებოდა, მაგრამ ტურნირს ნაადრევად არ გამოვეთიშებით.“

„ვგონებ, ჩვენს გვაქვს ის ხარისხი, რომელაც შეუძლია გარდატეხის შეტანა. ყველაზე მნიშვნელოვანი კი, ჩვენი ერთობაა.“

„არანაირი კონფლიქტი არ მქონია ვერტონგენთან. მაროკოსთან ნამატჩევს ვუთხარი, რომ მეტად შენელებული მოქმედებდა, რაშიც დამეთანხმა. ჩვენ არ გვიჩხუბია, იდიოტი არ ვარ, ის ჩემზე უფროსია (იცინის).“

„დე ბრუინს ბოლო ინტერვიუს შემდეგ ვესაუბრე და როგორც აღნიშნა, უბრალოდ იხუმრა გუნდის სათამაშო სტილზე. მას სჯერა ამ შემადგენლობის.“

„წაგების შემდეგ გასახდელში ყველა გაბრაზებულია და ეს ნორმალურია. არ არის ადვილი მომენტი, მაგრამ ნებისმიერ დიდებულ ნაკრებს აქვს რთული პერიოდი.“

„თავდაჯერება მოაქვს გამარჯვებას. თუ გავიტანთ, მერვედფინალის საგზური ჩვენ დაგვრჩება. გონება მხოლოდ ამისკენ არის მიმართული.“

„ხორვატიასთან 11 მებრძოლს იხილავთ საქმეში. უკაცრავად, 26 უნდა მეთქვა. სათადარიგო სკამიც ჩვენს გვერდით იქნება.“