რამდენიმე დღის წინ, ბელგიის ეროვნულმა ნაკრებმა სენსაციური მარცხი განიცადა მაროკოსთან.

ის, რომ რობერტო მარტინესის გუნდში არასახარბიელო სიტუაციაა, კევინ დე ბრუინის კომენტარიდანაც ნათლად ჩანს. „მანჩესტერ სიტის“ ვარსკვლავმა აფრიკელებთან დაპირისპირებამდე დასძინა, რომ „წითელ ეშმაკებს“ „საკმაოდ გადაბერებული შემადგენლობა ჰყავს“ და ისინი „უძლურნი არიან მოიგონ მუნდიალი.“

აღნიშნული წაგების შემდეგ, გასახდელში დაძაბულობამ პიკს მიაღწია. RTL Sport-ის ინფორმაციით, ერთმანეთს ედენ აზარი, იან ვერტონგენი და კევინ დე ბრუინი დაუპირისპირდნენ. რომ არა რომელუ ლუკაკუ, დიდი ალბათობით, ჩხუბს გაცილებით სავალალო შედეგები მოჰყვებოდა. თანაგუნდელებს პრეტენზიები ჰქონდათ მანჩესტერელ შემტევთან. ამასთანავე, კაპიტანმა ვერტონგენს დაცვაში უფერული თამაშის გამო უსაყვედურა.

ამავე გამოცემის ცნობით, უკვე წლებია, რაც დე ბრუინი და კურთუას გაწყვეტილი აქვთ კომუნიკაცია. მსგავის სიტუაცია სუფევს აზარსა და ლეანდრო ტროსადრს შორისაც.


������� dle 10.1������� ������� ������