მენდიმ „რეალისგან“ დაპირება მიიღო
როგორც იცით, ფერლანდ მენდიმ სამეფო კლუბს ყოველწლიური ანაზღაურების გაზრდა მოსთხოვა, რაზეც უარი მიიღო.
გავრცელებული ინფორმაციით, ფეხბურთელის აგენტსა და კლუბის წარმომადგენელს შორის საკმაოდ მეგობრულ გარემოში გაიმართა შეხვედრა. „რეალმა“ თავისი გადაწყვეტილება არსებული ეკონომიკური სიტუაციით ახსნა, თუმცა ფრანგ განაპირა მცველს პირობა მისცა, რომ თუ ის მომავალ სეზონშიც წარმატებით გააგრძელებს ასპარეზობას, 2022 წლის ზაფხულში აუცილებლად გადახედავს კონტრაქტის პირობებს და შესაბამისად, მისი მოთხოვნაც დაკმაყოფილდება.
ფერლანდი ზიდანის ფორმაციის „ბლანკოსის“ ერთ-ერთი შეუცვლელი ფიგურა გახლდათ. მან მოკლე დროში მოიპოვა სასტარტო თერთმეტეულში ადგილი და რომ არა ტრავმა, უფრო დიდ დროს გაატარებდა მოედანზე. აღსანიშნავია, რომ მასზე დიდ იმედებს ამყარებს კარლო ანჩელოტიც.
- 23 ივნისი 2021
- 1 669
- 11
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
