მენდიმ „რეალს“ მოთხოვნა წაუყენა
ტრადიციისამებრ, ზაფხულის ამ პერიოდში სამეფო კლუბში მომდევნო სეზონის დაგეგმვით არიან დაკავებულნი.
Marca-ს ინფორმაციით, განვლილ სეზონში ნაჩვენები თამაშიდან გამომდინარე, ფერლანდ მენდი კლუბისგან ყოველწლიური ანაზღაურების გაზრდას ითხოვს. ზიდანის დარიგებულ „რეალში“ ფრანგი განაპირა მცველი მართლაც ერთ-ერთი საუკეთესო იყო. მან სტაბილური თამაშის წყალობით მწვრთნელისა და გულშემატკივრების ნდობა მოიპოვა, რამაც მარსელოს სათადარიგო სკამზე გადანაცვლება გამოიწვია.
ოფიციალურ მადრიდში კმაყოფილნი არიან მენდის გარჯით, თუმცა მისი კონტრაქტის გადახედვას არ აპირებენ. მეტიც, კორონავირუსის პანდემიით შექმნილი პრობლემის გამო, შარშან, „რეალმა“ მოთამაშეებს ანაზღაურების 10 პროცენტით დაკლების თხოვნით მიმართა.
როგორც ცნობილია, ფერლანდის ჰონორარი 2.5 მილიონ ევროს შეადგენს.
- 23 ივნისი 2021
- 1315
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.