მოგეხსენებათ, მადრიდის "რეალს" ევრო ტურნირებზე ყველაზე მეტი გოლი აქვს გატანილი, ეს ციფრი ამ დროისთვის 699-ია, დღეს კი დიდი შანსია, რომ მე-700 გოლი გავიდეს, ამ თემასთან დაკავშირებით დიდი მითქმა-მოთქმაა გამოწვეული. "ბლანკოსის" არგენტინელმა მოთამაშემ, ანხელ დი მარიამ განაცხადა, რომ იგი ძალიან ეცდება გოლის გატანას და ისტორიაში მე-700 გოლის ავტორის სახელით შესვლას...

"დაძაბული მატჩი იქნება და დარწმუნებული ვარ სანახაობა მაყურებელს არ მოაკლდება, ერთმანეთს ორი უდიდესი გუნდი უპირისპირდება, ჩვენთვის მთავარი გამარჯვება და შემდეგი ეტაპის საგზურის ნაადრევი მოპოვებაა."

"ძალიან მსურს ანგარიშის გახსნა და მე-700 გოლის გატანა, სამეფო კლუბის უდიდესი ისტორია აქვს, მე ლეგენდარულ კლუბში გამოვდივარ, აქ თამაშზე ნებისმიერი ფეხბურთელი ოცნებობს, ბედნიერი და გახარებული ვარ."

"მოურინიომ მხოლოდ მოგებაზე ფიქრი დაგვავალა, მისთვის მისაღები მხოლოდ 3 ქულის აღება იქნება, ყველაფერს გავაკეთებთ გასამარჯვებლად."