რამოდენიმე წუთის წინ დასრულდა ესპანეთის პრიმერა დივიზიონის შეხვედრა, რომელშიც ერთმანეთს ალიკანტეს „ჰერკულესი“ და მადრიდის „რეალი“ დაუპირისპირდნენ. გასული მატჩი სამეფო კლუბის დამაჯერებელი გამარჯვებით 1-3 დასრულდა...

შეხვედრა სწრაფ ტემპში დაიწყო. ერთი შეხედვით მადრიდელთა თამაში დამაჯერებლად გამოიყურებოდა, მაგრამ „ჰერკულესის“ ფეხბურთელთა გატანილმა გოლმა ყველაფერი თავდაყირა დააყენა, დავიდ ტრეზეგემ ბრწყინვალე თაური დარტყმით ანგარიში მე-3 წუთზე გახსნა.

ბევრი მცდელობის მიუხედავად მადრიდელებმა მატჩის პირველ 45 წუთში გოლის გატანა ვერ მოახერხეს, ხოლო შეხვედრის მეორე ნახევარში სამეფო კლუბმა მეტოქე აშკარად დაჯაბნა, ჯერ იყო და დი მარიამ ანგარიში გაათანაბრა, ხოლო შემდეგ არგენტინელის გოლს კრიშტიანო რონალდომ დუბლით უპასუხა და მატჩის საბოლოო ანგარიში 1-3 დააფიქსირა.

აღსანიშნავია ის ფაქტი, რომ პორტუგალიელს თავის გატანილ გოლთა მონაგარის სამამდე გაზრდაც შეეძლო, მაგრამ მან „ჰერკულესის“ კარში მესამე გოლის გატანა ვერ
მოახერხა.

მატჩის სტატისტიკა