დღეს პედრო ლეონი საკუთარ კერას უბრუნდება. სადაც დაიბადა, სადაც დაიწყო თავისი პროფესიონალური საფეხბურთო კარიერა... მიმდინარე საღამოს მადრიდის "რეალი" სამეფო თასის ეგიდით გასამართ შეხვედრაში, "რეალ მურსიას" დაუპირისპირდება.

მურსიაში მადრიდის "რეალის" მოთამაშის რანგში ბრუნდებით...

- მადრიდის "რეალში" თამაში განსაკუთრებულ პასუხისმგებლობას მოითხოვს. მე ვთამაშობდი "ლევანტეში" და ბევრ სხვა საშუალო დონის კლუბში, მაგრამ "მერენგებში" ასპარეზობა ყველა სხვა წინამორბედისგან განსხვავდება. ჩემი ოჯახი და მეგობრები ყოველთვის მსტუმრობდნენ და მგულშემატკივრობდნენ მადრიდში... მე ამაყი ვარ, რომ დღეს მურსიაში მადრიდის "რეალის" მოთამაშის რანგში ვბრუნდები.

როგორი დრო გაატარეთ ორშაბათს, საავტოგრაფო სექციაში?

- ძალიან კარგი, როდესაც მე "მურსიას" ღირსებას ვიცავდი, აქაური გულშემატკივრები ყოველთვის კარგად მექცეოდნენ, ამ ქალაქს ჩემს ცხოვრებაში მნიშვნელოვანი ადგილი უჭირავს, სწორედ აქ არის ჩემი სახლი, მე მასთან სიახლოვეს ყოველთვის ვგრძნობ. სიამოვნებით ვბრუნდები ჩემს მშობლიურ მურსიაში.

როგორ ემზადებოდით სათასო შეხვედრისთვის?

- მაურინიოს სურს, რომ ჩვენ ყველა იმ ტურნირის მოგება მოვახერხოთ, რომელშიც მონაწილეობას ვიღებთ. ვერ დაგპირდებით წლის ბოლოს სამივე ტურნირის მოგებას, მაგრამ ერთი რამ გადაჭრით შემიძლია გითხრათ - ფეხბურთელებს რაც შეგვიძლია ყველაფერს გავაკეთებთ...

"მურსიას" რომელიმე ფეხბურთელთან ხომ არ გისაუბრიათ?

- დიახ, მე ოსკარ სანჩესს ვესაუბრე, მან კარგად იცის, რომ ჩვენ საკმაოდ სერიოზული გუნდი ვართ, მაგრამ მას წარმატების იმედი მაინც აქვს.

მადრიდის "რეალმა" ბოლო 4 თამაშში 18 გოლი გაიტანა და მხოლოდ ოთხი მიიღო საკუთარ კარში...

- გუნდი ძალიან კარგ ფორმაშია, მაგრამ ეს იმას არ ნიშნავს, რომ უკვე რაიმეს მივაღწიეთ, ჯერ კიდევ ბევრი სამუშაო გვაქვს. ყველა გასული შეხვედრა, რომ მოგვეგო თამამად ვიტყოდი, რომ ჩვენ საუკეთესოდ ვთამაშობთ, მაგრამ ეს მხოლოდ დასაწყისია.

რას ნიშნავს თქვენთვის Nueva Condomina-ზე თამაში?

- ეს ჩემთვის განსაკუთრებული სტადიონია. ამ არენაზე სამი დასამახსოვრებელი სეზონი გავატარე. ამ ყველაფრის მიუხედავად, დღეს მოედანზე მხოლოდ და მხოლოდ სამი ქულის მოსაპოვებლად გავალ. დღევანდელი მატჩი აუცილებალდ უნდა მოვიგოთ.


ინფორმაციის წყარო: Realmadrid.com

ავტორი: Kevlisha