მადრიდის რეალმა და ლონდონის ჩელსიმ თვალი 18 წლის ბრაზილიელ ტალანტ ნეიმარს დაადგეს.

ფეხბურთელი წესით და რიგით გასულ ზაფხულს ჩელსის რიგებში უნდა აღმოჩენილიყო, თუმცა "ბრაზილიელმა მესიმ", როგორც მას სამშობლოში უწოდებენ. კლუბის გამოცვლაზე უარი განაცხადა და სანტოსში დარჩა.

გამომცემლობა Goal.Com ავრცელებს ინფორმაციას, რომ ფეხბურთელის შეძენა მადრიდის რეალსაც სურს და ამის გაკეთებას მომავალ ზაფხულში შეეცდება. ამ ტრანსფერის ერთ-ერთი ინიციატორი ბუტრაგენიოა, რომელიც ჯერ კიდევ 2007 წელს ცდილობდა ნეიმარის შეძენას, სამომავლო გეგმებისათვის. თავდაპირველად ახალგაზრდა ტალანტი კასტილიაში ჩაირიცხებოდა, ხოლო შემდეგ ძირითად გუნდში ამოყოფდა თავს, თუმცა მას ამის გაკეთება არ დასცალდა, რადგან პოსტიდან გაათავისუფლეს. ახლა ის დაუბრუნდა თავის ადგილს და კვლავ დაიწყებს მოლაპარაკებას ბრაზილიურ სანტოსთან ფეხბურთელის ტრანსფერის თაობაზე. ვრცელდება ინფორმაცია, რომ ამ ტრანსფერის მომხრეა რიკარდო კაკაც, რომელმაც რეალის ხელმძღვანელობას მომავალი ვარსკვლავის შეძენა ურჩია.