მადრიდის რეალის ვეტერანებსა და უსინათლოებს შორის შეხვედრის დროს, ხორხე ვალდანომ ისაუბრა სამეფო კლუბის მომავალ მატჩზე და განაცხადა, რომ მისი გუნდის მიზანია კოპა დელ რეის მოგება.

"ჩვენ ენერგიული და ახალგაზრდა შემადგენლობა გვყავს, რომელსაც შეუძლია სამივე ტურნირზე წარმატების მიღწევა, გამონაკლისი არც კოპა დელ რეი არის. მურსიასთან რთული მატჩი გველის და იმედი მაქვს გამარჯვებას მოვიპოვებთ, რომელიც საფუძველს ჩაუყრის ჩვენს მოგებათა სერიას. დიდი ხანია ამ ტურნირზე წარმატებისათვის არ მიგვიღწევია და ვიმედოვნებ ამ სეზონში ყველაფერი შეიცვლება"

"ბენზემა ძალიან ახალგაზრდა და ძლიერი ფეხბურთელია, მართალია მას სათამაშო დრო არ აქვს, მაგრამ მის ასაკში ძირითადში თავის დამკვიდრება ძალიან ძნელია. დი მარია და ოზილი გამონაკლისები არიან, რადგან მათ ამ თვეში შესანიშნავი ფორმა აკრიფეს და მწვრთნელის ნდობა მოიპოვეს. დარწმუნებული ვარ სულ მალე ნამდვილ კარიმ ბენზემას ვიხილავთ, რომელიც თავის შესაძლებლობებს დაგვანახებს."

"კრიშტიანო რონალდოზე კომენტარის გაკეთება ზედმეტია, ის უბრალოდ მსოფლიოს ერთ-ერთი საუკეთესო ფეხბურთელია და მადრიდის რეალის სიმბოლოა."