სამეფო კლუბის ფეხბურთელმა მარსელომ, ინტერვიუ ჩაწერა გამოცემა ”ას”-თან.

- როგორც ჩანს, მოუს მადრიდი აღარ ხუმრობს.თუ ასე გააგრძელებს, არა ერთი რეკორდის დამხობას შეძლებთ...
- ჩვენ რეკორდების მოხსნაზე არა ვართ ორიენტირებულნი.ჩვენთვის მთავარია ყოველი მატჩის წარმატებით დასრულება.”რასინგის” წინააღმდეგ ყველა კომპონენტში კარგად ვითამაშეთ.

- სანტანდერელებთან პაექრობა, თქვენთვის მეასე იყო ”რეალის” მაისურით...
- ძალიან მახარებს ეს ფაქტი.გავაგრძელებ მუშაობას, რათა კიდევ უფრო ბევრი მატჩის ჩატარება შევძლო.

- შეიძლება ითქვას, რომ მოურინიო ”შეყვარებულია” თქვენზე...
- მე ისე ვმუშაობ, როგორც მწვრთნელი მეუბნება.ვეცდები, რომ მისი იმედები მოედანე გავამართლო.

- ამ კვირაში ორი მნიშვნელოვანი თამაში გაქვთ გასამართი.ჯერ ”მურსიასთან” ხოლო შემდეგ ”ერკულესთან.”
- ვგონებ, არცერთ მათგანთან არ გველის ადვილი გასეირნება.”მურსია” სერიოზულ ძალას წარმოადგენს.წლეულს, ისინი დაუმარცხებლად ასპარეზობენ.

- რას გვეტყვით ალიკანტელებზე?
- ”ერკულესი” მიმდინარე სეზონის სიურპრიზია.ეს არის გუნდი, სადაც ჩემი მეგობარი დრენტე თამაშობს.ისინი საკმაოდ საინტერესოდ და მაღალ ტემპში აგორებენ ბურთს.