ჟოზე მოურინიოს შეგირდებს სულ რაღაც ერთი დღე დარჩათ მოსამზადებლად, ხვალ კი სანტანდერის "რასინგი" ბერნაბეუზე "რეალისთვის" პრობლემების შექმნას შეეძლება. პორტუგალიელი სპეციალისტი ფეხბურთელებს განსაკუთრებული ყურადღებით ამზადებს. დღევანდელ ვარჯიშზე მთავარმა მწვრთნელმა ორი კანტერანო, ხუან კარლოსი და ხუანფრანიც გამოიძახა. სერხიო რამოსი კი ვერ შეძლებს სანტანდერელთა წინააღმდეგ თამაშს, მიზეზად კი ტრავმა სახელდება.

დღევანდელ ვარჯიშზე უდიდესი ყურადღება ეთმობოდა გოლის გატანას და ბურთის ფლობას, ასევე ჩატარდა ფიტნეს მომზადება.

ჟოზე მოურინიომ გუნდი ორად გაყო და ერთმანეთშიც ათამაშა.

პირველი გუნდი: ხაბი ალონსო, გონსალო იგუაინი, ალვარო არბელოა, ესტებან გრანერო, ხუან კარლოსი, სერხიო კანალესი, პედრო ლეონი, ანხელ დი მარია, იკერ კასილასი, მატეოსი, ალბიოლი.

მეორე გუნდი: კრიშტიანო რონალდო, კარიმ ბენზემა, ლასანა დიარა, მარსელო, მაჰამადუ დიარა, მესუთ ოზილი, სამი ხედირა, რიკარდო კარვალიო, ხუანფრანი და პეპე.

მომდევნო ვარჯიში დახურულ კარს მიღმა გაიმართება და ჟურნალისტებს მისი ხილვა არ შეეძლებათ.