მადრიდის რეალის მთავარმა მწვრთნელმა ჟოზე მოურინიომ განაცხადა, რომ ახლო მომავალში ზიდანი მადრიდის რეალის სამწვრთნელო შტაბს შეუერთდება.

"ზიდანის სამწვრთნელო შტაბში შემოსვლა ძალიან დიდი წინ გადადგმული ნაბიჯი იქნება, რადგან მისი გამოცდილება დაეხმარება მადრიდის რეალს და მის ფეხბურთელებს. ჯერ კიდევ მიმდინარეობს ამ საკითხზე მოლაპარაკება, თუმცა ვიმედოვნებ ძალიან მალე ზიზუ ჩვენ შემოგვიერთდება. როდესაც შეთანხმებას მივაღწევთ აუცილებლად შეგატყობინებთ ამის შესახებ."

"ზიდანი დიდი ფეხბურთელი იყო, რომელსაც ძალიან უყვარდა და უყვარს მადრიდის რეალი. არამგონია მას ფეხბურთი გადაყვარებოდა ამიტომ დარწმუნებული ვარ ის ჩვენთან ერთად ბედნიერი იქნება, რადგან ისევ ჩაერთვება ფეხბურთში და დაგვეხმარება წარმატების მიღწევაში."

შეგახსენებთ, რომ ცოტა ხნის წინ ზიდანმა გააკეთა განცხადება, რომ დიდი სიამოვნებით ითანამშრომლებდა მოურინიოსთან და უფრო მეტად დაეხმარებოდა გუნდს წარმატების მიღწევაში.