მადრიდის რეალის ვარსკვლავ რონალდოს ესპანურმა გამომცემლობა "AS"-მა რამდენიმე კითხვა დაუსვა, რომელზეც პორტუგალიელმა დიდი სიამოვნებით უპასუხა.

- როგორ ფიქრობთ გუნდი კიდევ უფრო მეტად გააუმჯობესებს თამაშის ხარისხს?

- ჩვენ ვაგრძელებთ მოგებას და ეს ძალიან მნიშვნელოვანია. მილანთან მატჩი ჩვენთვის გამოცდა იყო და ყველა ელოდა, რომ ამ შეხვედრაში ნამდვილ მადრიდის რეალს ნახავდნენ, ბოლომდე დავიხარჯეთ და სასურველ შედეგსაც მივაღწიეთ. მწვრთნელიც და ფეხბურთელებიც ბედნიერები არიან, რადგან ჩემპიონთა ლიგის სამივე შეხვედრა მოვიგეთ და ღირსეულად ვლიდერობთ ჯგუფს.

- რა უფრო გსიამოვნებთ გოლის გატანა თუ საგოლე პასის გაკეთება?

- არ აქვს მნიშვნელობა, მთავარია გუნდს მოვუტანო სარგებელი და ჩემი წვლილი შევიტანო გამრჯვებაში.

- გუნდს ეტყობა, რომ ბედნიერია და მოედანზე გასვლა სიამოვნებს. რა არის ამის მიზეზი?

- მოურინიოსთან ერთად უბრო ბედნიერნი ვართ. როდესაც საქმე ნორმალურად მიდის, ადამიანებს აქვთ მოწყენის საბაბი, მიმდინარე სეზონში კი ყველაფერი ისე კარგად აეწყო, რომ მოსაწყენად დროც არ გვრჩება. ჩვენ დავიწყეთ დაცვაში კარგად თამაში და გოლების გატანაც. მადლობა ღმერთს, რომ ყველაფერი ასე კარგად არის.

- მოურინიომ შესანიშნავად მოარგო თავისი ფილოსოფია მადრიდის რეალს...

- ის შესანიშანვი მწვრთნელია, იმ შემადგენლობით რაც ახლა მადრიდის რეალს აქვს და იმ გამოცდილებით რაც მოურინიოს აქვს, დიდი წარმატების მიღწევაა შეგვიძლია.

- რა დამოკიდებულება აქვთ მოურინიოს და ფეხბურთელებს?

- ყველას სიამოვნებს მასთან მუშაობა და ეს ყველაფერი ჩვენს წისქვილზე ასხამს წყალს, რადგან გუნდი ნაყოფიერად ვარჯიშობს და კარგ შედეგებს აღწევს. იმედი მაქვს მიმდინარე სეზონში ჩემპიონთა ლიგის მოგებას ვიზეიმებთ სიბელესზე.