”მილანთან” დაპირისპირება, იკერ კასილასისთვის 104-ე გამოდგა, უეფას ეგიდით გამართულ ტურნირზე.

სამეფო კლუბისა და ”ფურია როხას” კაპიტანი, იმ ფეხბურთელების ათეულში მოხვდა, რომლებიც ჩემპიონთა ლიგაზე ყველაზე მეტ შეხვედრას მოითვლიან.აღსანიშნავია, რომ ”როსონერისთან” ჩატარებული მატჩით, იკერმა უკან მოიტოვა ოლივერ კანი და ლუიშ ფიგუ, რომელთაც 103 შეხვედრა ჰქონდათ აქტივში.

ჯერჯერობით, ათეულს რაულ გონსალესი (132 თამაში) და რობერტო კარლოსი (120) ლიდერობენ.რაც შეეხება ისევ და ისევ კასოს, ის უახლოეს ორ კვირაში მეცხრე პოზიციაზე აიწევს და ბექჰემის ადგილს დაიკავებს, რომელსაც 105 დაპირისპირება დაუგროვდა.