დღეს, ”სანტიაგო ბერნაბეუზე” არა ერთი სახელოვანი ფეხბურთელი მოიყრის თავს.გულშემატკივრებს ექნებათ საშუალება ადგილობრივი კორიფეების პარალელურად, მილანელ ვარსკვლავებსაც ადევნონ თვალ-ყური.

”როსონერის” ტრიოს, რონალდინიო, იბრაჯიმოვიჩი და პატო, საკმაოდ ტკბილი მოგონებები აკავშირებთ სამეფო გუნდთან.უნდა აღინიშნოს, რომ ”ბლანკოსის” კარი სამთავეს აქვს აღებული სხვადასხვა შეხვედრებში.

დავიწყოთ გაუჩოთი, რომელიც”ბარსაში” ასპარეზობის დროს, წარმატების ზენიტში იმყოფებოდა.ეს ის ფეხბურთელია, ”სანტიაგო ბერნაბეუს” პუბლიკამ აპლოდისმენტებით რომ გააცილა მოედნიდან (რაც არ უნდა ვთქვათ, რეალობაა).რონალდინიომ მადრიდის საფეხბურთო არენაზეც შეძლო კასილასის დამწუხრება.

”რეალისათვის” გოლის გატანა, ზლატანმაც მოახერხა ”ნოუ კამპზე.””კლიმატის” შეცვლის მიუხედავად, შვედი დამაჯერებლად და სტაბილურად გამოდის მილანის რიგებში.

თვალთახედვის არეალიდან არ უნდა გამოგვრჩეს პატო.ამ უკანასკნელმა დუბლის გაკეთება მოასწრო ”სანტიაგო ბერნაბეუზე” და კვლავ იმუქრება გოლის გატანით.

მოკლედ, როგორც ხედავთ, მადრიდისტებისთვის საკმაოდ არა სასურველი მეტოქეები ჩამოდიან მადრიდში.იმედია, ბოლო შეხვედრებში აღებული სისწრაფე, რონალდუს, იგაუინს და ოზილს ჩემპიონთა ლიგის დაპირისპირებაშიც გაჰყვებათ.რაც არ უნდა იყოს, ჩვენ მხოლოდ წარმატებებს ველით ”რეალის” ლიდერებისგან.