როგორც უკვე გაუწყეთ, მადრიდის ”რეალისა” და ”მილანის” შეხვედრას, პორტუგალიელი არბიტრი, პედრუ პროენსა განსჯის.

40 წლის ფინანსისტი (მთავარი პროფესია), ჟოზე მოურინიოს გულზე ნამდვილად არ ეხატება.ამის მიზეზი ნამდვილად აქვს ”ბლანკოსის” მთავარ დამრიგებელს.გავიხსენოთ 2002-2003 წლების სეზონი, როდესაც ”პორტუში” მომუშავე მოუს, პროენსას წყალობით, სეზონის განმავლობაში ორჯერ მოუხდა სათადარიგო სკამის დატოვება.

ასევე აღსანიშნავია ის ფაქტიც, რომ პედრუს აქამდე არასდროს უმსაჯია ”რეალის” თამაში, თუმცა მის ანგარიშზე არის ”როსონერის” მონაწილეობით განსჯილი ერთი მატჩი.ეს მოხდა შარშანდელ ჩემპიონთა ლიგაზე, როდესაც ”მილანი” ”ციურიხს” სტუმრობდა (მსაჯმა პენალტიც დანიშნა იტალიელების სასარგებლოდ).

და ბოლოს, პროენსა არცთუ ისე წარმტაბეული მსაჯია მასპინძელი გუნდებისათვის.ევროპის ტურნირზე მან 29 შეხვედრაში ჩასტვინა, საიდანაც მხოლოდ 12 შემთხვევაში მოიგეს ადგილობრივებმა.