ესპანური და პორტუგალიური გამოცემები ერთხმად იუწყებიან, რომ ლისაბონის „სპორტინგს“ ენდრიკ ფელიპეს დამატება სურს და ამ საკითხზე სერიოზულად მუშაობს.

პორტუგალიელები განიხილავნე 3 ვარიანტს, რომლის მიხედვითაც, ენდრიკი მათ რიგებში უნდა გადავიდეს 6 ან 18 თვიანი იჯარით. ასევე მაგიდაზე დევს შეთანხმების განსხვავებული ვერსიაც, სადაც „სპორტინგის“ მხრიდან საკონტრაქტო უფლებების 50%-ის შესყიდვა იგეგმება.

ბოლო ვარიანტის მიხედვით, „რეალი“ ენდრიკს 4 წლით გაუშვებს და 2030 წლამდე მისი უკან დაბრუნების საშუალება ექნება.

„სპორტინგი“ ახალგაზრდა შემტევს გარანტირებულ სათამაშო დროს პირდება და მიიჩნევს, რომ ის პორტუგალიის ჩემპიონატში უდიდეს პროგრესს აჩვენებს.

პორტუგალიური კლუბის გარდა, ფელიპეს დამატებაზე პრეტენზიას „მილანი“, „ასტონ ვილა“, „რომა“ და სხვა კლუბები აცხადებენ.

ასევე ვრცელდებოდა ინფორმაცია ლონდონის „არსენალის“ ინტერესის შესახებაც, თუმცა ბოლო დროს აღნიშნული ცნობები უარყოფილია.