ესპანური გამოცემები სულ უფროდაუფრო ინტენსიურად წერენ იმის შესახებ, რომ ენდრიკ ფელიპე მადრიდის „რეალს“ იანვარში დატოვებს.

მცირე სათამაშო დრო - სწორედ  ეს არის მიზეზი, რის გამოც, ბრაზილიელი გუნდის დატოვებაზე ფიქრობს.

არსებული ინფორმაციით, „რეალი“ განიხილავს ენდრიკის როგორც იჯარით გაშვებას, ასევე საკონტრაქტო უფლებების 50%-ის დათმობას, სადაც გუნდს მოთამაშის დაბრუნების საშუალება მომდევნო 4 წლის განმავლობაში, გარკვეული თანხის სანაცვლოდ შეეძლება.

ენდრიკზე არაერთი კლუბი აცხადებს პრეტენზიას, მათ შორის პორტუგალიური „სპორტინგი“, „რომა“, „მილანი“, „ასტონ ვილა“ და სხვები.