ედუარდო კამავინგამ „აეკის“ წინ პრესკონფერენცია გამართა.

„პირველ რიგში მსურს შევეხო ხესუს და მიგელის ტრაგედიას და გამოვუცხადო ჩემი სოლიდარობა მის ოჯახს, ეს საშინელებაა.“

„თითოეული დაპირისპირება გახლავთ ჩვენი პირადი ამბავი, რომელსაც უდიდეს მნიშვნელობას ვანიჭებთ. „ბლანკოსი“ სწორ რელსებზე დგას. სანაკრებო პაუზის შემდეგ უდიდესი პროგრესი ვაჩვენეთ, მატჩები მოვიგეთ და მდგომარეობა გავიუმჯობესეთ, როგორც ლა ლიგის ცხრილში, ასევე ჩემპიონთა ლიგაზე.“

„ბერნარდუ? ის ძალიან გამოცდილია და ნახევარმცველებს სწორ რჩევებს აძლევს. როდესაც პორტუგალიელი მოთამაშე მოედანზეა, შეტევების წამოწყება და ბალანსი ყოველთვის უფრო მარტივი ხდება.“

„ვინი მადრიდისტაა, ის ბავშვობიდან ასეა. ვერ წარმოვიდგენ, რომ შესაძლოა დადგეს დრო, როდესაც ის წასვლას დააპირებს. ბრაზილიელი უმაღლესი კლასის შემტევია და მალე ძალიან დიდი ემოციით დაბრუნდება.“

„ძალიან ბევრს ვვარჯიშობდი და ვცდილობდი, რომ პრესეზონს მოწოდების სიმაღლეზე შევხვედროდი, ეს მოურინიომაც დაინახა. ჩემი სათამაშო დრო ეტაპობრივად გაიზარდა. ზოგადად რთული პერიოდი მქონდა, მაგრამ ზოგადად სირთულეები ყოველთვის გვაძლევს მეტ გამოცდილებას.“

„ახლა გაცილებით მეტს ვვარჯიშობ, ვიდრე ადრე და ეს ჩემს ფიზიკურ კონდიციაზეც აისახა. პროგრესი აშკარაა, რაც ძალიან მაბედნიერებს.“

„რა თქმა უნდა, მაქვს პრეტენზია, ვიყო სამეფო კლუბის სასტარტო შემადგენლობის მოთამაშე.“

„მოურინიო მდიდარი ისტორიისა და წარსულის მქონე მწვრთნელია, მისგან ბევრი რამის სწავლა შეიძლება. გარდა იმისა, რომ პორტუგალიელი განსაკუთრებით მომთხოვნია, ის დიდ ყურადღებას იჩენს მოთამაშეების მიმართ.“