ჯუდ ბელინგემმა „რასინგის“ წინააღმდეგ საიუბილეო გოლის გატანა შეძლო.

ინგლისელმა ფეხბურთელმა „მერენგების“ რიგებში 50-ე გოლი გაიტანა, რაც მისი პოზიციის ფეხბურთელისთვის ნამდვილად ძალიან დიდი შედეგია იმ დროში, რა დროც მადრიდში აქვს გატარებული.

გატანილი გოლების მხრივ საუკეთესო სეზონი ჯუდს სწორედ მაშინ ჰქონდა, როდესაც „ბლანკოსში“ გადავიდა და პირველ წელს ატარებდა, შემდეგ იყო პოზიციური ცვლილებები, რამაც გოლების შემცირებაც გამოიწვია. ამ სეზონში ბელინგემი კვლავ ძველ პოზიციას დაუბრუნდა, ფორვარდის უკან თამაშობს და თავის გამოჩენასაც უფრო ხშირად ახერხებს.