იტალიური „რომა“ საკმაოდ ეფექტურად გამოდის შიდა ჩემპიონატში და მწყობრი, ტაქტიკურად გამართული გუნდის სტატუსი აქვს. „ჯალოროსი“ გაჩერებას არ აპირებს და მიიჩნევს, რომ სერია „ა“-ს მოსაგებად მეტი რესურსი სჭირდება.

იტალიელები ენდრიკ ფელიპეს ტრანსფერზე მუშაობენ და სურთ, რომ ბრაზილიელი წინახაზელი იანვრის სატრანსფერო ბაზარზე იჯარის წესით აიყვანონ.

„რომა“ მზად არის, როგორც 6 თვიან, ასევე 18 თვიან იჯარაზე და თავად სამხრეთ-ამერიკელ ფორვარდს მუდმივ სათამაშო დროს პირდება.

იტალიელთა მთავარი მწვრთნელის აზრით, ახლა „რომას“ ყველაზე ნაკლები რესურსი შეტევის ხაზში აქვს, ფელიპეს ახალგაზრდული ენერგია კი ძალიან მნიშვნელოვანი იქნება.

ჟოზე მოურინიომ ჯერ კიდევ 2 კვირის წინ განაცხადა, რომ ენდრიკის გაშვებას არსად აპირებს, თუმცა თუ მისი სათამაშო დრო არ გაიზრდება, ამ მოლაპარაკებების წარმართვის და წარმატებით დასრულების შანსი მაინც იარსებებს.