ხოსეპ პედრეროლი გავრცელებულ ინფორმაციებს გამოეხმაურა, რომლის მიხედვითაც, მადრიდის „რეალმა“ „კომოში“ გაშვებული ხაკობო რამონის დაბრუნება განიზრახა.

„რამონმა არაერთ თამაშში აჩვენა საკუთარი კლასი და შესაძლებლობები, ის მომავლის მცველია, შესანიშნავი შესაძლებლობებით, რომელიც „რეალმა“ სათავისოდ უნდა გამოიყენოს.“

„ჩვენ მივიღებთ ახალ ლიდერს, კასტილიური წარსულით, რომელიც შესანიშნავად იცნობს მადრიდულ გარემოს და ფილოსოფიას.“

„რა თქმა უნდა ვემხრობი მოსაზრებას და პოზიციას, რომელიც რამონის გამოსყიდვას უკავშირდება, „ბლანკოსმა“ ასეთი ნიჭის მქონე ფეხბურთელი არ უნდა დაკარგოს, მითუმეტეს იმ ფონზე, რომ ანტონიო რუდიგერს ასაკი ემატება და „ბლანკოსს“ ცენტრალური მცველების პრობლემა სრულად ჯერ არ მოუგვარებია.“