"ტურინის იუვენტუსის" ყოფილმა დირექტორმა, ლუჩიანო მოჯიმ "მადრიდის რეალის" ფორვარდზე, კარიმ ბენზემაზე ისაუბრა. როგორც მოგეხსენებათ, "ბებერი ქალბატონი" ფრანგი ვარსკვლავის შეძენას გეგმავს.

მოჯიმ Tuttomercatoweb.com–ს განუცხადა:"მე ნამდვილად არ ვიცი "იუვენტუს" სურს თუ არა ბენზემას შეძენა, მაგრამ უნდა ვთქვა, რომ კარიმის ტრანსფერი მათ არ წაადგებათ. ჟოზე მოურინიომ ფეხბურთი იცის და თუ ის ერთი წლის წინ ნაყიდ ფეხბურთელს უშვებს გუნდიდან, მაშინ იუვემ ის რა მოტივით უნდა შეიძინოს. მე არ მიყვარს კარიმი. ის თავგანწირვით არ თამაშობს და ტაქტიკურად მისი გამოყენება ძნელია. მას ფიზიკურ და ტექნიკურ ასპექტებში პრობლემები არ აქვს, თუმცა ეს ყველაფერი საკმარისი არ არის."