მადრიდის „რეალის“ ფეხბურთელები „ვილიარეალთან“ დაპირისპირებისთვის მზადებას აგრძელებენ.

გუნდი ეტაპობრივად შეივსება, ხუთშაბათიდან კი ჟოზე მოურინიოს სრული შემადგენლობის გაწვრთნის საშუალება ექნება.

დღევანდელ სესიაზე სამწვრთნელო შტაბმა დიდი ყურადღება დაუთმო ბურთის ფლობის კომპონენტს, მოკლე სივრცეში ზუსტ თამაშს, პრესინგს, ტაქტიკურ მონახაზებს და სტანდარტებს.

ტრავმირებული მოთამაშეების აღდგენითი პროცესი გრძელდება.

აღსანიშნავია, რომ გუნდთან ერთად ივარჯიშა კილიან მბაპემ, რომელიც „ვილიარეალთან“ შეხვედრისთვის შესაძლოა მზად იყოს.