ჟოზე მოურინიომ „ელჩესთან“ მატჩის წინ პრესკონფერენცია გამართა.

„ჩვენ გვსურს კარგი თამაში და აუცილებელი 3 ქულა, სხვა არაფერი. მადრიდის „რეალი“ მხოლოდ გამარჯვებაზეა ორიენტირებული.“

„როდის ვიხილავთ საუკეთესო ვინისიუსს? საკმაოდ მალე, ის ძალიან ბევრს მუშაობს და არაერთი ასისტი ჩაიწერა აქტივში. ბრაზილიელი გოლების რაოდენობასაც მოუმატებს.“

„არდა გიულერს აქვს ფანტასტიკური ხედვა და შესაძლებლობები, ის ძალიან მაღალი დონის ფეხბურთელი და დიდი მასშტაბის ფიგურაა, რომელსაც საოცარი მომავალი აქვს. გიულერზე დიდ გათვლას ვაკეთებ.“

„ჩვენ ახლა გაცილებით უკეთესები ვართ, ვიდრე პრესეზონის სტარტზე. ჩემი მიზანიც ეს არის, რომ გუნდი ეტაპობრივად გაუმჯობესდეს და საუკეთესო ხარისხის ფეხბურთი ითამაშოს. მე არ მაქვს ჯადოსნური ფორმულა, მაგრამ მაქვს გეგმა, რომელსაც მივყვები და შედეგებიც სახეზეა.“

„მუდმივი პრესინგი წარმოუდგენელია, მაგრამ მეტწილად გუნდმა პრესინგი უნდა განახორციელოს და მეტოქეს გასაქანი არ მისცეს, ხშირად ეს ხდება ხოლმე წარმატების მთავარი საფუძველი. ჩვენ გვჭირდება ენერგიის სწორი მართვა და გადანაწილება.“

„ჩუამენი ეტაპობრივად მოუმატებს, მან ტრავმის მკურნალობა დაასრულა, დანარჩენი კი ფრანგის ტემპში ჩადგომაზე იქნება დამოკიდებული.“

„ჩვენი გეგმები შეთანხმებულია სამედიცინო გუნდთან, ტექნიკურ შემადგენლობასთან, ფეხბურთელებთან და ყველა იმ ადამიანთან, რომელიც კომპეტენციას ფლობს. გვსურს, ერთობლივი მუშაობით მივაღწიოთ შედეგებს.“

„დიომანდე სასტარტოში? ის ყველაფერს აკეთებს, რაც სჭირდება წარმატებისთვის. გასათვალისწინებელია, რომ ახალწვეულის ადაპტაცია კარგ ტემპში მიმდინარეობს.“

„ორი ჩამშლელი ნახევარმცველი? ჩვენ გვაქვს დიდი რესურსი და შესაძლებლობები, რომელიც სათანადოდ უნდა გამოვიყენოთ.“

„სასტარტოში ითამაშებენ ის ფეხბურთელები, რომლებიც საუკეთესო კონდიციაში არიან, ამაზე ხშირად გესაუბრებით ხოლმე. რატომღაც ერთმანეთს ვღლით, ვინაიდან პრესკონფერენციები ხშირად იმართება.“

„მჭიდრო კალენდარი? ამას შეჩვეულები ვართ და მხოლოდ ჩვენი პრობლემა არ არის.“

„მე არ ვიცი, რა ხედვები აქვს ზინედინ ზიდანს ჩუამენისთან და სხვა ფრანგ ფეხბურთელებთან დაკავშირებით. მოდით, თავად ლეგნედამ გადაწყვიტოს კონკრეტულ სიტუაციაში რა სურს.“