ბერნდ შუსტერმა ჟოზე მოურინიოს ახალი ფორმაციის „რეალზე“ ისაუბრა.

„ჩვენ ვხედავთ გარდამტეხ ცვლილებებს, რომელიც მადრიდის „რეალის“ სათამაშო სტილსა და ტაქტიკურ მონახაზშია. ამ გუნდს საერთოდ აღარ აინტერესებს ბურთის დაჭერა. როგორც ჩანს, მოურინიოსთვის პრიორიტეტი შეტევების სწრაფი განვითარებაა, რაც პირველ რიგში იმ რესურსის ნაკლებობით აიხსნება, რომელიც „ბლანკოსს“ ნახევარდაცვაში აქვს.“

„მოურინიოს გუნდში არ ირიცხებიან როდრის, პედრის, ვიტინიას, ფაბიან რუისის, დეკლან რაისის, ადამ ვორტონის, ენცოს და სხვების სტილის ფეხბურთელები, შესაბამისად, მოურინიო სხვა სქემას ირჩევს.“

„ის, რაც „ინტერთან“ ვიხილეთ გასაკვირი იყო. არ მახსენდება მომენტი, როდესაც მილანური კლუბი ბერნაბეუზე ბურთს იჭერდა.“

„ფაქტია, რომ „რეალი“ ბურთის მიღებისთანავე სწრაფ შეტევაზე ფიქრობს და ბურთს მოედნის ცენტრში არ აჩერებს. სიმართლე გითხრათ, ეს საინტერესოც არ არის, მაგრამ არ ვიცი, როგორ შედეგებს მოიტანს.“

„მაშინ, როდესაც გუნდში ვინისიუსის, მბაპეს, დიომანდეს და ბრაჰიმ დიასის სტილის სწრაფი ფეხბურთელები გყავს, კონტრ-შეტევა ყოველთვის ეფექტური იქნება და ალბათ პორტუგალიელი სპეციალისტის რეფორმაც ამას უკავშირდება.“