ჟოზე მოურინიო ფიქრობს, რომ მჭიდრო და მკაცრი კალენდარის პირობებში, შეტევის ხაზში მოთამაშეების როტაციას შეძლებს, თუმცა ენდრიკ ფელიპესთან დაკავშირებით გარანტიებს ვერ იძლევა.

მოურინიოს აზრით, ფელიპეს შეუძლია, როგორც ცენტრ-ფორვარდად, ასევე მარჯვენა შემტევად თამაში, თუმცა დრო გვიჩვენებს, რამდენად პროდუქტიული იქნება ბრაზილიელი ფეხბურთელი იმ ფორმაციაში, რომელიც ჟოზემ შექმნა.

ფაქტია, რომ ენდრიკს კარლოს ესპის სახით ძალიან სერიოზული კონკურენტი ჰყავს. ესპანელი განსხვავებული პროფილის ფორვარდია, რომელიც მეორე სართულზეც ბრწყინვალედ იბრძვის და რამდენჯერაც მოედანზე შევიდა, იმდენჯერ შეძლო თავის გამოჩენა.

„მარკას“ ინფორმაციით, თუ ენდრიკის დრო არ გაიზრდება, „ბლანკოსი“ მსურველ კლუბებთან მოლაპარაკებებს განაახლებს და ენდრიკს ან 6, ანაც 18 თვიანი იჯარით გაუშვებს, რათა ფეხბურთელმა სათამაშო დრო მიიღოს.