ჟოზე მოურინიომ „ინტერის“ დამარცხების შემდეგ პრესკონფერენცია გამართა.

„ეს იყო ძალიან დიმანიური და არაპროგნოზირებადი მატჩი. არ იყო გამორიცხული 5-1 მოგვეგო, ან შეხვედრის ბოლო ტაბლოზე 6-6 დაფიქსირებულიყო. ჩვენ გაცილებით მეტი მომენტი შევქმენით და გოლების გატანას ვიმსახურებდით. ვფიქრობ, პირველ ტაიმში კიდევ შეგვეძლო მეტოქის კარის აღება. მეორე ტაიმიც აქტიურად დავიწყეთ და ვცდილობდით, როგორც სწრაფი, ასევე პოზიციური შეტევების კრეატიულ განვითარებას.“

„დიდ მადლობას ვუხდი ტრენტს, რომელმაც უჩვეულო პოზიციაზე ითამაშა, მაგრამ უმაღლესი კლასი კიდევ ერთხელ გვიჩვენა. ვფიქრობ, ინგლისელი ფეხბურთელი ნახევარდაცვაში ძალიან პროდუქტიული იყო და გამარჯვებაში დიდი წვლილი შეიტანა.“

„ჯუდ ბელინგემის მომენტები? ინგლისელს შეეძლო მეტოქის კარის აღება, მაგრამ არ გაუმართლა.“

„თავდაცვითი ინტენსივობა შედარებით შემცირებული გვქონდა, ვინაიდან ნახევარდაცვაში არაერთი მოთამაშე გვაკლდა. დღეს ჩვენ ვიხილეთ სახეცვლილი „რეალი“, სადაც რამდენიმე მოთამაშეს უჩვეულო პოზიციაზე უწევდა თამაში.“

„ვალვერდეს გოლი შემთხვევითობაა? ვერ დაგეთანხმებით, ეს იყო იმ პრესინგის და კომფაქტური მიდგომის შედეგი, რომელსაც გუნდი მთელი თამაშის განმავლობაში აჩვენებდა.“

„კივუს გუნდს დიდი რესურსი აქვს, ცვლილებების შემდეგ „ინტერი“ კიდევ უფრო გაძლიერდა, სწრაფი გახდა და გოლის გატანაც შეეძლო. კმაყოფილი ვარ ფეხბურთელების გამოსვლით, რომლებმაც კიდევ ერთხელ დაამტკიცეს საკუთარი ძალა.“

„პირველი ტურის მოგება მნიშვნელოვანი იყო, თანაც კონკურენტი ძალიან ძლიერი. ვფიქრობ, კარგი სტარტი ჯგუფის წარმატებით დახურვის საწინდარი იქნება. ჩემპიონთა ლიგის ყველა მატჩში მაქსიმალური ყურადღება გვმართებს.“

„ვინისიუს ჟუნიორის შრომას დიდ პატივს ვცემ და ვაფასებ. ეს ჩემთვის მეტისმეტად მნიშვნელოვანია. ბრაზილიელი ფეხბურთელი ყველა ვარჯიშზე ბოლომდე იხარჯება. ის არ არის ფორმის პიკზე, მაგრამ პროგრესირებს და ზუსტად ვიცი, რომ მალე მოუმატებს. ბრაზილიელ ფეხბურთელს აქვს არნახული სისწრაფე და ტექნიკას, რომელაც მალე ყველა ვიხილავთ. არ მივესალმები გულშემატკივრების სტვენას და აგრესიას, ეს მხოლოდ დამაზიანებელია. მე ვარ ვინის მწვრთნელი და მაქვს კომპეტენცია იმისი, რომ განვსაჯო ესა თუ ქმედება.“

„მბაპე? მას ყველამ პატივი უნდა სცეს. ფრანგი ფეხბურთელი ბოლომდე იხარჯება და მოედანდ უგოლოდ ფაქტობრივაად არ ტოვებს. კილიანმა „ინტერის“ დამარცხებაშიც უდიდესი წვლილი შეიტანა.“

„„რეალის“ გულშემატკივრების მოლოდინები ყოველთვის ყველასგან განსხვავებულია. აქ ყოველთვის მაქსიმუმი სურთ, მაგრამ მერწმუნეთ, კარგი შედეგები ერთიანობის, გუნდური სულისკვეთების გაზიარების და მუდმივი შრომის შედეგად მოდის. ჩვენ გვჭირდება პუბლიკის მხარდაჭერა და არა სტვენა, რათა ერთად შევძლოთ მწვერვალების დაპყრობა.“