ვინისიუს ჟუნიორმა მილანის „ინტერთან“ მატჩის წინ ჟურნალისტებთან ისაუბრა.

„მე-16 თასის მოგების დრო დადგა. ჩვენ გვსურს ჩემპიონთა ლიგაზე კიდევ ერთხელ გაბრწყინება.“

„„ინტერის“ სახით საკმაოდ ძლიერი მეტოქე გვყავს. იტალიელები დიდ გამოცდილებას ფლობენ და შესანიშნავი შემადგენლობა ჰყავთ, თუმცა კარგად მოვემზადეთ და გვსურს, რომ ტურნირი გამარჯვებით დავიწყოთ.“

„დარწმუნებული ვარ, გუნდი ჯგუფურ ეტაპზე 8 საუკეთესო გუნდს შორის მოხვედრას შეძლებს, შემდეგ კი ყველაფერს გადამწყვეტი მატჩები გვიჩვენებს.“

„გვაქვს საკმარისი რესურსი და მოტივაცია. „რეალში“ უკვე ბევრი ახალი ფეხბურთელია, რომელსაც ჩემპიონთა ლიგა არ მოუგია.“

„ფავორიტი საღამო ბერნაბეუზე? ეს იყო ჩემპიონთა ლიგის მატჩი „ბაიერნის“ წინააღმდეგ, რომელიც 2023/24 წლების სეზონში ჩავატარეთ.“

„„რეალის“ ჰიმნი? ძალიან მომწონს და ხშირად ვმღერი.“

„ჩემპიონთა ლიგის ფინალებში გატანილი გოლები ჩემთვის რა თქმა უნდა საამაყოა. „ლივერპულის“ კარის აღებამ ჩემი ისტორია შეცვალა.“

„მახსოვს პირველი გოლი, რომელიც ევროსარბიელზე გავიტანე. მას შემდეგ დიდი დრო გავიდა და ბევრი რამ შეიცვალა, მაგრამ არ შეცვლილა ტიტულების წყურვილი, მოტავიცია და სამეფო კლუბისთვის თავდადება.“