მოურინიო:„არ გაგვიმართლა, მაგრამ წინ უნდა ვიყუროთ“
„ბეტისთან“ დასანანი მარცხის შემდეგ ჟოზე მოურინიო მედიის წარმომადგენლებს შეხვდა და პრესკონფერენცია გამართა.
„ახლა მსაჯების გადაწყვეტილებებზე საუბარი არ მსურს, რადგან არ ვიცი, რამდენად სწორი ვიქნები. რაღაც დეტალები განსჯას საჭიროებდა.“
„ხანდახან წააგებ, მაგრამ მთავარია მაშინვე ფეხზე წამოდგე და ბრძოლა განაგრძო. ფეხბურთელებთან საუბარი მქონდა და ვუთხარი, რომ ეს დღე სასწრაფოდ დაივიწყონ და წინ იყურონ, ჩვენ ყველა მატჩს ისე უნდა მივუდგეთ, როგორც ფინალს.“
„არდა გიულერისთვის წითელი ბარათის ჩვენება? მსაჯმა სწორი გადაწყვეტილება მიიღო. თურქმა იუხეშა და ყვითელს იმსახურებდა, მაგრამ როდესაც ეს ყვითელი წითელს იწვევდა, თავის შეკავება ყველაზე სწორი გადაწყვეტილება იყო.“
„ძალიან ბევრი მომენტი შევქმენით და ვფიქრობ, მინიმუმ ფრეს ვიმსახურებდით, მაგრამ ხანდახან დგება საღამოები, როდესაც გოლი არავითარ შემთხვევაში არ გადის.“
„მსურს მივულოცო მანუელ პელეგრინის და მთელ „ბეტისს“, რადგან ამ გუნდმა საოცარი ბრძოლისუნარიანობა გამოავლინა.“
„ძალიან ბედნიერი ვარ კარლოს ესპის გამო. მისი გოლი არ ჩაითვალა, მაგრამ კიდევ ერთხელ ვნახეთ საოცარი მანევრი და საშემსრულებლო ოსტატობა.“
„მბაპეს უამრავი მომენტი ჰქონდა, მაგრამ როგორც ჩანს, ეს საღამო მისი არ გახლდათ. აღსანიშნავია, რომ ფრანგი ცდილობდა, არაერთხელ გაამწვავა სიტუაცია და ყველაფერი გააკეთა გოლის გასატანად, მაგრამ მეტოქე გუნდის მეკარე მოწოდების სიმაღლეზე იდგა.“
„ნახევარდაცვა? როდესაც გოლი გავუშვით, შტურმზე გადავედით. მაშინ მცირე კორექტირებები შევიტანე და ცენტრში ერთმანეთს ბელინგემი და ბერნარდუ სილვა შევუწყვილე.“
- 5 სექტემბერი 2026
- 1 945
- 6
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
