კარლო ანჩელოტი „რეალის“ ბაზაზე ყოფნის დროს, ბრაზილიელ ფეხბურთელებს ცალკე ესაუბრა.

იტალიელმა სპეციალისტმა განსაკუთრებული მხარდაჭერა გამოხატა ედერ მილიტაოს მიმართ, რომელიც ურთულეს ტრავმას იშუშებს.

კარლიტო ასევე ესაუბრა ენდრიკ ფელიპეს და ხაზი გაუსვა, რომ ბრაზილიელმა ფორვარდმა ძალიან დიდი გამოწვევა მიიღო „რეალში“ დარჩენით, რომელსაც სათანადო პასუხი უნდა გასცეს.

ბრაზილიური შეკრებები მალე დაიწყება, ანჩელოტი კი იმედოვნებს, რომ „რეალში“ არსებული რესურსი, რომელსაც ბრაზილიელები ქმნიან, ეროვნულ ნაკრებშიც სრულფასოვნად იქნება ათვისებული.