მადრიდელი კანტერანო, ჩემა ანდრესი, რომელიც „შტუტგარტში“ ასპარეზობდა, „ბრაიტონის“ ფეხბურთელი გახდა. ამ ტრანსფერიდან მადრიდის „რეალი“ 11.5 მილიონ ევროს მიიღებს, თუმცა ნახევარმცველის სატრანსფერო უფლებების 50%-ს დაკარგავს.

პრემიერლიგაში გადასვლის შემდეგ, ჩემას 100%-იანი სატრანსფერო პაკეტის მფლობელი სწორედ „ბრაიტონი“ ხდება.

მადრიდში მიაჩნიათ, რომ ჩემას დიდი მომავალი აქვს, მაგრამ დღევანდელი მოდიფიკაციის „რეალიდან“ გამომდინარე, მასზე უარის თქმა საუკეთესო გადაწყვეტილება იყო.