იბრაჰიმა კონატემ „რეალში“ ოფიციალური პრეზენტაციის შემდეგ მადრიდულ ტელევიზიასთან ისაუბრა.

„„რეალი“ ახდენილი ოცნებაა. ყველა ბავშვი ოცნებობს აქ მოხვედრაზე. მართლაც საოცარი ეფექტური აქვს ოთახს, სადაც ჩემპიონთა ლიგის 15 თასია განთავსებული.“

„„ლივერპულში“ ძალიან მნიშვნელოვანი წლები გავატარე. ამ კლუბის მადლიერი ყოველთვის ვიქნები, ვინაიდან „ენფილდზე“ უდიდესი გამოცდილება მივიღე და მონაწილე ვარ იმ დიდი წარმატებების, რომელსაც მივაღწიეთ.“

„მოურინიო ძალიან ჭკვიანი მწვრთნელია. დარწმუნებული ვარ, მასთან ერთად საუკეთესო წლები მექნება.“

„კონკურენცია? „რეალში“ არაერთი მაღალი დონის ცენტრალური მცველი თამაშობს, მაგრამ სეზონიც ძალიან გრძელი და მრავალმხრივია.“

„პარიზული ფინალი „ბლანკოსის“ წინააღმდეგ. ის მატჩი მართლაც სამუდამოდ დარჩა ჩემს მეხსიერებაში.“

„მადრიდისტებს ბოლომდე ბრძოლას და ერთგულებას ვპირდები. ბედნიერი ვარ აქ ყოფნით და საოცარი მოტივაცია მაქვს.“