სამეფო კლუბის ხელმძღვანელობა მარტინ სუბიმენდის მიუბრუნდა. ესპანელი ნახევარმცველის დამატება ფლორენტინო პერესს ჯერ კიდევ მაშინ სურდა, როდესაც ის „სოსიედადის“ ღირსებას იცავდა, თუმცა შეთანხმება ვერ შედგა და მარტინმა „არსენალს“ მიაშურა.

სუბიმენდი იმ კრეატიული ნახევარმცველების რიცხვს მიეკუთვნება, რომლებსაც შუა ხაზში მეტი ფანტაზიის შეტანა და თამაშის ტემპის კარნახი შეუძლიათ.

ბრიტანული გამოცემების ცნობით, „არსენალი“ სუბიმენდის 90 მილიონ ევროს აფასებს.

„რეალმა“ ნახევარმცველის ირგვლივ არსებული სიტუაცია მოიკითხა, თუმცა მოლაპარაკებები ოფიციალურად დაწყებული არ არის.

„მარკას“ ცნობით, როგორც კი სამეფო კლუბი გუნდიდან ერთ ფეხბურთელს მაინც გაუშვებს, მარტინზე მუშაობას გაააქტიურებს.