ლონდონის „არსენალი“ ყველაფერს აკეთებს ვინისიუს ჟუნიორის დასაყოლიებლად, მაგრამ ბრაზილიელი ფეხბურთელის მადრიდში დარჩენა ფაქტობრივად გადაწყვეტილია.

„მეთოფეები“ მზად არის, ბრაზილიელ ფეხბურთელს წლიურად 24 მილიონი ევრო და საიმიჯო უფლებების 100% შესთავაზონ.

გარდა ამისა, „არსენალი“ ერთჯერადად 8 მილიონ ევროს გადაუხდის ვინის, თუ კონტრაქტის ფარგლებში გუნდი პრემიერლიგას მოიგებს.

დამატებითი ბონუსები განისაზღვრება პრემიერლიგის და ჩემპიონთა ლიგის საუკეთესო ბომბარდირობის პირობებშიც.

მიკელ არტეტას სურვილი ძალიან დიდია, მაგრამ არაერთი ავტორიტეტული გამოცემის ცნობით, ვინი და „რეალი“ ახალ კონტრაქტზე შეთანხმდნენ და „არსენალის“ ინტერესი ინტერესად დარჩება.