არაერთი ავტორიტეტული გამოცემის ცნობით, მადრიდის „რეალი“ და ვინისიუს ჟუნიორი ახალ კონტრაქტზე შეთანხმდნენ.

ბრაზილიელი ფეხბურთელი ახალ ხელშეკრულებას მოაწერს ხელს და სამეფო კლუბში წლების მანძილზე დარჩება.

გუშინდელი შეხვედრის შემდეგ, მხარეებმა არაერთ დეტალზე მიაღწიეს პრინციპულ შეთანხმებას, თუმცა დღეს დილით დამატებითი, შემაჯამებელი შეხვედრა გამართეს.

ბოლო შეთანხმების მიხედვით, ვინის წლიური ხელფასი 24 მილიონ ევრომზე გაიზრდება, თუმცა უცვლელი დარჩება მისი საიმიჯო უფლებები.

გარდა ამისა, ცნობილი ხდება, რომ სამხრეთ-ამერიკელი კონტრაქტის გაფორმებისთვის დამატებით ბონუსს მიიღებს, ხოლო ახალი ხელშეკრულების ფარგლებში ჩემპიონთა ლიგის მოგების შემთხვევაში, დამატებითი ბენეფიტები ექნება.