იან დიომანდეს ტრანსფერზე სერიოზული პრობლემებია შექმნილი. „ლაიფციგთან“ მოლაპარაკებები წარმატებით დასრულდა, ასევე მზად არის კონტრაქტის, რომელსაც მხოლოდ ხელმოწერა სჭირდება, მაგრამ ფეხბურთელის ყოფილი წარმომადგენლის მიერ წამოჭრილმა დავამ ბევრი რამ შეაფერხა.

„რეალს“ არ სურს არცერთი კითხვისნიშნის არსებობა და შემდეგ სატრანსფერო პრობლემების შექმნა, სწორედ ამიტომ, მაქსიმალურად ცდილობს, სამართლებრივად გამართულ შეთანხმებას მიაღწიოს.

ფაქტია, რომ დიომანდეს სატრანსფერო უფლებების ირგვლივ დიდი ბუნდოვანებაა.

იგივეს თქმა შეიძლება საიმიჯო უფლებებზეც, სადაც რამდენიმე პირია ჩართული.

„მარკას“ ინფორმაციით, „რეალს“ ტრანსფერის სასწრაფოდ დასრულება სურს, მაგრამ თუ პრობლემები კვლავ გაგრძელდება, გარიგება შესაძლოა საერთოდ ჩაიშალოს.

უახლესი ინფორმაციით, ამ ეტაპზე მადრიდელი იურისტები მაქსიმალურად ცდილობენ არსებული გამოწვევების გადაჭრას და შეთანხმების დასრულებას.