ვინისიუსის ირგვლივ ქაოსია
ვინისიუს ჟუნიორის ირგვლივ სრული ქაოსია. ბრაზილიელი ფეხბურთელი მადრიდის „რეალთან“ ვერცერთ დეტალზე ვერ თანხმდება.
პირველი მოთხოვნა ხელფასის 9 მილიონით გაზრდაა, „რეალი“ კი ახალი კონტრაქტის პირობებში მხოლოდ 3.5 მილიონით გაზრდაზეა თანახმა.
გარდა ამისა, „ბლანკოსი“ ვინის საიმიჯო უფლებების 50%-ს ფლობს და ამ სტანდარტს ავრცელებს ყველა ფეხბურთელზე, ბრაზილიელის მოთხოვნა კი აღნიშნული უფლებების 70%-30%-ზე განაწილებაა. მხარეები ვერც ამ კომპონენტზე თანხმდებიან.
კიდევ ერთი მოთხოვნა, რომელიც ბრაზილიელს აქვს, ახალი კონტრაქტის ბონუსია, რაზეც „ბლანკოსი“ ასევე უარს აცხადებს.
„რეალი“ საკონტრაქტო ბონუსებს მხოლოდ იმ შემთხვევაში იხდის, თუ ფეხბურთელი სხვა კლუბიდან თავისუფალი აგენტის სტატუსით, უფასოდ მოდის.
ყოველივე ზემოჩამოთვლილი ნიშნავს იმას, რომ მოლაპარაკებები ფაქტობრივად ჩიხშია შესული.
- დღეს, 15:49
- 37
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
