რაც არ უნდა გასაკვირი იყოს, ლონდონის „არსენალი“ ვინისიუს ჟუნიორის ტრანსფერზე მუშაობს და მადრიდში არსებულ მოვლენებს ყურადღებით აკვირდება.

ბრაზილიელი მოთამაშის მიმართ ინტერესი დიდია, თუმცა ლონდონელებმა ისიც იციან, რომ მადრიდული გრანდი შემტევს 200 მილიონ ევროზე ნაკლებად არ გაყიდის.

ხვალ ვინის აგენტი სამეფო კლუბის ხელმძღვანელობასთან შეხვედრას გეგმავს, რის შემდეგაც ბევრი რამ გახდება ცნობილი.

„რეალის“ მიერ წარმოდგენილი „დედლაინი“ იწურება, ვინიმ პასუხი 31 ივლისამდე უნდა თქვას,  თუ ის ახალ კონტრაქტს ხელს არ მოაწერს, სამეფო კლუბი მას გაყიდის.

სწორედ ამ მოვლენების შემდეგ დაინტერესდნენ „მეთოფეები“ და მზად არიან, ზაფხულის ყველაზე ხმაურიანი ტრანსფერი გაჩარხონ, თუმცა ოფიციალური მოლაპარაკებები ამ ეტაპზე არ პროგრესირებს.

დაველოდოთ მოვლენების განვითარებას...