ესპანური გამოცემების ცნობით, მადრიდის „რეალის“ დელეგაცია გერმანიაში გაემგზავრა. დელეგაციის წევრებს დავალებული აქვთ, რომ კონკრეტული შეთანხმებით დაბრუნდნენ ესპანეთის დედაქალაქში.

„ას“-ის ინფორმაციით, მადრიდის „რეალს“ იან დიომანდეს ტრანსფერის დახურვა მომდევნო 36 საათის განმავლობაში სურს, რაც იმას ნიშნავს, რომ შეთანხმება ოფიციალურად მაქსიმუმ სამშაბათს უნდა გამოცხადდეს.

მიუხედავად იმისა, რომ იანზე ნამდვილი ნადირობაა გამოცხადებული და „პსჟ“-მ ბოლო საათებში არაერთი წინადადება წარადგინა, მადრიდის „რეალი“ ამ შეთანხმებაში დარწმუნებულია.

100 მილიონის უარყოფის შემდეგ, „ლაიფციგმა“ „რეალისგან“ 130 მილიონიანი წინადადება მიიღო, თავად ფეხბურთელთან კი 6 წლიან კონტრაქტზე სრული შეთანხმებაა.