ესპანური გამოცემების ცნობით, მადრიდის „რეალის“ ხელმძღვანელობამ როდრის აგენტთან მორიგი შეხვედრა გამართა და ყველა დეტალი შეათანხმა.

ფეხბურთელი აღფრთოვანებულია სამეფო კლუბში თამაშის პერსპექტივით და მზად არის, 4 წლიან კონტრაქტს მოაწეროს ხელი.

„რეალსა“ და ესპანელს შორის არანაირი შეკითხვა აღარ არსებობს. ახლა მთავარია „ბლანკოსმა“ მანჩესტერ „სიტისთან“ სატრანსფერო ღირებულებაზე მიაღწიოს შეთანხმება.

„ას“-ის ცნობით, მომდევნო 72 საათში მხარეებს შორის კონკრეტული შეთანხმება უნდა შედგეს.

„ბლანკოსს“ სურს, რომ ტრანსფერი 31 ივლისამდე დახუროს.