სრულიად მოულოდნელად და ძალიან სწრაფად, მადრიდის „რეალმა“ იან დიომანდეს ტრანსფერზე მუშაობა დაიწყო. ფეხბურთელი „ლაიფციგს“ ეკუთვნის, მის შეძენას კი ამ ეტაპზე „ბლანკოსთან“ ერთად ფრანგული „პსჟ“, „არსენალი“, „სიტი“ და „მილანი“ ცდილობენ.

არსებული ინფორმაციით, მადრიდის „რეალს“ 120 მილიონი ევრო აქვს გამზადებული და მიიჩნევს, რომ ეს ტრანსფერი სასწრაფოდ არის დასასრულებელი, ვინაიდან კონკურენცია იზრდება.

დიომანდე ძალიან მოსწონს მოურინიოს. „მარკას“ ინფორმაციით, ფლორენტინო პერესს წინახაზელის დამატება სწორედ ჟოზემ სთხოვა.

დიომანდე განსაკუთრებული სისწრაფით გამოირჩევა და ყველაზე მეტად სწორედ ეს კომპონენტი მოსწონს პორტუგალიელ სპეციალისტს.

ინფორმაციას ადასტურებს ფაბრიციო რომანოც.

არაერთი ავტორიტეტული მადრიდული გამოცემის ცნობით, მოლაპარაკებები უკვე დაიწყო და სწრაფ რეჟიმში მიმდინარეობს.

შეთანხმების მიღწევით შემთხვევაში, წინახაზელი „რეალთან“ 6 წლიან კონტრაქტს მოაწერს ხელს.