ბრაჰიმ დიასის მადრიდული მომავალი გარკვეული ჯერ არ არის. არსებული ინფორმაციით, მადრიდის „რეალს“ რამდენიმე წინადადება აქვს და შესაძლოა მაროკოელმა გუნდი დატოვოს.

არაოფიციალური ინფორმაციით, დიასით ორი თურქული კლუბი ინტერესდება. მოლაპარაკებები მიმდინარეობს იტალიურ კლუბებთანაც.

არსებული ცნობით, თუ „ბლანკოსი“ მაროკოელის სანაცვლოდ 50 მილიონ ევროს მიიღებს, მისი გაყიდვის შანსი გაიზრდება.

პერესს ბასტონის და ოლისეს დამატება სურს, ამ ტრანსფერების ჯამური ღირებულება კი ფაქტობრივად 300 მილიონ ევროს მიაღწევს, რაც უდიდესი ხარჯია, შესაბამისად, გუნდი შემოსავლების გაზრდაზე აქედანვე ზრუნავს.

თავად ფეხბურთელი ამ ეტაპზე არანაირ კომენტარს არ აკეთებს და ჟოზე მოურინიოსთან შეხვედრას ელოდება.