სამეფო კლუბმა ჟოზე მოურინიოს აცნობა, რომ კოლექტივი გადავსებულია და სანამ მოთამაშეები არ წავლენ, ახალი ფეხბურთელების მოყვანა რთული იქნება, თუმცა პორტუგალიელი სპეციალისტი დაჟინებით მოითხოვს ალესანდრო ბასტონის შეძენას.

„ას“-ის ინფორმაციით, „ბლანკოსს“ რაულ ასენსიოს 25 მილიონ ევროდ გაყიდვა სურს, რის შემდეგაც, ბასტონის ტრანსფერის უზრუნველყოფა უფრო მარტივი იქნება.

თავის მხრივ, მოურინიო რისკებს ხედავს და მიიჩნევს, რომ ბასტონი შესაძლოა სხვა კლუბში გადავიდეს, რაც „ბლანკოსის“ გეგმავს არევს.

„განსაკუთრებული“ ამტკიცებს, რომ ამბიციები, რომელიც სამეფო კლუბს აქვს, მოითხოვს დიდ რესურსს, როგორც დაცვაში, ასევე ყველა პოზიციაზე, თუმცა ამ ეტაპზე ყველაზე კრიტიკული დაცვის ხაზია.

შეგახსენებთ, სამეფო კლუბსა და მილანის „ინტერს“ შორის პირველი მოლაპარაკებების შემდეგ, ბასტონის ფასი 65 მილიონ ევროდ განისაზღვრა.