ალვარო არბელოა „ფულემში“ ახალი ფეხბურთელების მიყვანით არის დაკავებული.

„რეალის“ ექს მწვრთნელი ახლა პრემიერლიგაში მოსინჯავს ძალებს და სურს, რომ ის ფეხბურთელები წაიყვანოს, რომლებთანაც ჯერ „კასტილიაში“, შემდეგ კი მთავარ გუნდში მუშაობდა.

გონსალო გარსიასთან დაკავშირებით ჯერ-ჯერობით არაფერი ისმის, თუმცა არბელოა დროს არ კარგავს და ცდილობს, ფრანკო მასტანტუონოს და სეზარ პალასიოსის დაყოლიებას.

არბელოას აზრით, პალასიოსი „ფულემის“ ცენტრალურ ნაწილს მნიშვნელოვნად გააძლიერებს, მასტანტუონოს კი პრემიერლიგის ტემპს აყვება.

ალვარო მზად არის, ორივე მოთამაშეს გარანტირებული სათამაშო დრო მისცეს.