გერმანული გამოცემების ცნობით, მიუნხენის „ბაიერნმა“ სერიოზული საფრთხე იგრძნო და მზად არის, მაიკლ ოლისეს ახალი კონტრაქტი გაუფორმოს, სადაც ფრანგის ხელფასი კოლოსალურად იქნება გაზრდილი.

თუ ოლისე ახალ 5 წლიან კონტრაქტს დათანხმდება, მისი ხელფასი წლიურად 25 მილიონი ევრო გახდება. დიახ, კონტრაქტის საერთო ღირებულება 125 მილიონ ევროს შეადგენს.

იმ შემთხვევაში, თუ ოლისე „რეალში“ გადავა, მისი ხელფასი 25 მილიონი ევრო ვერცერთ შემთხვევაში ვერ იქნება.

თუ მაიკლი „რეკორდმაისტერის“ ამ წინადადებასაც დაბლოკავს, მისი ბუნდესლიგიდან აბარგება გარდაუვალი გახდება.

თავის მხრივ, „ბლანკოსი“ მზად არის, ფეხბურთელის სანაცვლოდ 200 მილიონ ევროზე მეტი გადაიხადოს და სატრანსფერო რეკორდი დაამყაროს.